Home / BB101 / 【臭B二三事#4】恐嚇分子

【臭B二三事#4】恐嚇分子

結婚,唔係兩個人的事,生 BB,更加唔係。

二花

生左仔,屋企突然變成危機處處的險境:枱角、牆角、地板、房門、擺設,甚至係只開左一條罅的窗,都係十級高危的威脅。BB 呢度唔可以爬,個度唔可以摸,最好用個籠裝住,用泡泡紙包住,遠離呢個凶險的世界。

幫我地把關嘅,就係頭頂長響警報器的長老。

孫兒係長老的寶貝,受到百般呵護,佢地皺下眉都足以令長老坐立不安。長老的不安會越滾越大,變成無窮問責,就係阿爸阿媽硬食的時候。係長老眼中,個孫永遠係 BB,唔識大,唔識自理,好需要大人照顧。唔好問長老點解你地細個陣唔見佢地咁着緊,一句「不怕一萬至怕萬一」撻埋嚟,咩都唔使拗‧‧‧‧‧‧

小朋友嘅成長,需要探索,需要犯錯,受得起挫折,呢啲訓練就喺佢地每一日的生活中。終有一天,佢地冇大人在旁支持,要自己判斷自己承擔後果時,我地有冇畀佢地足夠時間同空間學習呢?

呢啲道理,成日恐嚇阿爸阿媽的長老幾時會明?唉‧‧‧‧‧‧

圖 / 文:二花

【作者小檔案】

二花:一個鍾意畫畫寫寫搵野忙的媽媽、家務廚藝極需改善的主婦

文字和圖像獲 一個個 Onegogo授權刊登,請勿自行轉載。