【臭B二三事＃5】一言激死 Your 親人

小朋友，唔講嘢你又驚，係咁講嘢你又煩。

識講嘢學緊諗嘢嗰啲，成日語出驚人。
噚日先問完如果天上有一百個太陽會點，
今日問你人有一千個「啫啫」又會點‧‧‧‧‧‧
問到阿媽頭都爆！

為母則強，做阿媽唔怕你嗰一千個無聊問題，
最怕你喺大庭廣眾之下懷住熱熾求知嘅心，同埋聲量去問，
嗰一刻真係想「搵窿捐」！

當下雖尷尬，但之後不斷回想微笑的，就係呢啲咁傻嘅時刻。
香港地童年難得，孩子那股不知天高地厚嘅氣勢同熱誠，轉眼消磨‧‧‧‧‧‧
或者，下次小朋友又自創新詞、問傻問題、嘗試用佢嗰小腦袋理解呢個大世界時，
畀啲時間欣賞佢地天生求知學習嘅心，
唔使咁快糾正佢地、話佢地錯、冇呢樣嘢‧‧‧‧‧‧

冇勇氣去錯、去試嘅人，
你話，係細路，定大人？

圖 / 文：二花

【作者小檔案】

二花：一個鍾意畫畫寫寫搵野忙的媽媽、家務廚藝極需改善的主婦

文字和圖像獲 一個個 Onegogo授權刊登，請勿自行轉載。